Als Familie ganz auf uns gestellt, ohne Familie usw.

Hallo zäme

I ha mal wöue mis alige chönne verzelle u luege obs anderi familie git wo ändlichi situatione kenne wi ig s erläbe.
Mi Maa isch i de vorpraktikum für ä mehrjährigi usbildig, d.h. 100% schaffe für fast nüt.. jetzt stell sueche für d usbildig, und denn paar jahr lehrä.. das isch sowit super vo mir us, es git e perspektive, füt ihn brueflich, als family nähär finanziell besser.
Mir hei es knapp jährigs chind. I bi 100% daheim.
Wäg de arbeits zyte vo mim maa, isch är öfters am morge no daheim, derfür fast nie am abe, und öpe mau 1-2nächt am stück wäg.
Mir hei es traumhafts chind. Isst guet, spilt mega guet au allei, richtig es zfridnigs sünneli.
Und doch bini oft chli a de gränze.
Und zwar hei mir keinerlei kontakt zu üsne eltere, resp. Zu 3 kei kontakt u öper läbt nid ir CH. Bi de gschwüsterti isch dr kontakt ou zwüsche sälte, oberflächli bis nie.
Fründe hei mir scho edlichi.. so isches de das bis uf di zyte wo mi maa daheim isch, üses chind immer usschliesslich vo mir d ufmerksamkeit het, da süsch chum würklich sehr nöchi bezihige vorhande si. Das vorderet mi sehr use. Zudem isches sehr schwirig, weni mal sött e termin abmache, i mache mittlerwile liebr kei termine me für mi, alls immer di useforderig wi ig das mit em hüete söu organisiere.
Ja u jez steit o widr wienacht vor der tür, dere heimer di letschte jahr nie tür ufta.. es isch eifach z schwirig, all die zerstrittene wienachte vo früener.. u glich tuets weh, a wienacht allei z si- ou we mir jez z dritt si.

Hets anderi lüt, wo ou nie d möglichkeit hei, ar eigete (schwiger) mueter / vater / schwöster.. azlüte, weme chrank isch u hilf brücht, oder weme mal eifach froh wär hurti 1h für sich z si, e abe mitem maa z ha.. usw
Nid das mis chind e last wär, nei. I liebes! Aber 7x24h non stop ohni pause, abrüefbar isch sträng.
U doch fallts mir immer schwiriger, weni de mal cha/mues, mis chind ab z gä.
I chas ou nid schnäll abgä, mues zersch sehr vil vertraue chönne ufbaue.

Wi organisieret dir öich?